Refring:

Moele, moele mósse kinne

Moele, ummer went ’t mót

Moele, moele, moele, wie ‘ne permetiekel

Moele, moele, moele, wie ing endevót

 

Koeplet 1:

D’r inne dinkt: „Wie kóm ich oeëts d’r tussje?”

D’r angere dinkt: „Wie sjtóp ich dem de moel?“

Hei is werm inne mit zoeë ‘ng groeëte waffel

Die houw-se vreuger ooch al óp de koel

Missjiens waal noeëts ee vak gelierd, toch wit hè al van al

En hingt heë ós de vót oet mit deë sjeële, sjtómme kal

 

Koeplet 2:

Ze zaage waal ins: sjpreëke dat is zilver

Mè mit vöal zilver gilse dich ’t good

Dus went-se ’t mit zjwiege wils verdene

Hat doa zoeë ieëmes nieks mit aan d’r hood

In ’t besjtuur va d’r verein of in d’r politiek

Ze make ummer get va nieks en make zich da diek

 

Bruk:

Weë dökser ónger lüj verkiert

Deë wit wat vier bedoele

Geliek of neet, dat is egaal

Me mót good kinne moele!