Refring:

Is hei ‘ne dokter in d’r zaal?

Dem heie vier ins geer gesjproake

Want dat sjun dansmarieke hat

Ós vasteloaveshat gebroake

Weë kint bei ós d’r vasteloavesbloodruk meëte?

Mesjien hat ieëmes hei nog waal ee good resep

Ee pilke of ee drenksjke, geweun get millesien

I jieker bats ing sjpriets en ‘s angerdaags d’r krankesjien

Mótte vier geliek noa ’t sjpetaal?

Of lüj, is hei ‘ne dokter in d’r zaal?

 

Koeplet 1:

Gister óp ’t Prinsebal, gans gekostumeerd en al

Vool ós doa ee dansmarieke óp

Höarkes stief nog va d’r lak, bing bekans bis in d’r nak

En zoe dreipunts heudje óp d’r kop

Garde sjnoarsjnak óp ing rei, mit kabaal en vöal behei

Mè doa boave oet klonk ózze sjrei

 

Koeplet 2:

Wie ’t meëdje danse gong, en nieks angesj mie besjtong

Drieënde het en lachde ‘t noa ós

Woa dat ech of toch gesjpild, hant vier ós dat igebild

Wie ’t aan ing pirouette begós

’t Eëte va d’r nommedaag drieënt ‘ne radsjlaag in d’r maag

Va zoeë meëdje krie-se ee besjlaag

 

Bruk

Vier wille ‘m vertelle va ós leed

Dus hoape vier dat heë ós plat versjteet

 

Dialoog

P: Lei, zoogse dat? Die keek noa mich!

L: Puil, neet noa dich, evvel noa mich!

P: Nè, jóng, noa mich en nit noa dich …

L: Wiezoeë? Nit noa dich, allich noa mich!

 

Weë kint bei ós d’r vasteloavesbloodruk meëte?

Mesjien hat ieëmes hei nog waal ee good resep

Ee pilke of ee drenksjke, geweun get millesien

I jieker bats ing sjpriets en ‘s angerdaags d’r krankesjien

Mótte vier geliek noa ’t sjpetaal?

Of lüj, is hei ‘ne dokter in d’r zaal?

 

Dich of mich dat is toch gans egaal
Leef lüj, is hei ‘ne dokter in d’r zaal?