Koeplet 1:

Loester, Lei, ich han groeët nuits, zaag, has-se ’t gehoeëd

‘t Suzy hat de wieëtsjaf touw en Heële is in noeëd

’t Gong ooch evvel neet zoe good, gee leëve in de boet

De cente óp, ging klante mieë, noe is ’t keëtske oet

D’r makeleer hat zich gemeld, d’r kooppries vasgesjteld

Oejazes, kinger, wat ee geld, kiek hei, doa sjteet vermeld

 

Refring:

Joa ’t is kiekdaag, ’t is hüj kiekdaag

Vier gont ins kieke wat ’t weëd is vuur d’r veilinghamersjlaag

Kiekdaag, ’t is hüj kiekdaag

Dat me intelig noa joare in de kuëke kieke maag

Te koop, te koop, weë wilt ’t han

Weë kriet ’t werm aan ’t goa

En zouw ‘t wieëtsjaf blieve, of is dat noe ech gedoa

Joa ’t is kiekdaag, ’t is hüj kiekdaag

en kieke in de Hergod’s vót dat maag me neet al daag.

 

Koeplet 2:

Kiek, hei sjteet ‘t, zjwat óp wit, ’t is ginge kaffeklatsj

D’r Nöl hat bouw gee koshoes mieë, en dat is ginge kwatsj

D’r sjtamtiesj sjteet ooch óp de lies, huët bei d’r inventaar

Deë sjtool woeë oeëts d’r Funs nog zoot mit Eëlske en sigaar

De ieësjte lüj hant zich gemeld, zich aa gen duur gesjteld

Weë zouw d’r good zieë vuur ’t geld, dat sjteet hei neet vermeld

 

Bruk:

Woeë mót noe sjtrak d’r Heëleneer zie pilske nog goa gelle

Woeë kint me nog, i plaatsj va beer ee sjtuk sjoklaat besjtelle?