Refring:

Hinge gen Hergod’s vót, joa, hinge gen Hergod’s vót,

‘t Letste gleëske woeët versjót, hinge gen Hergod’s vót

Hinge gen Hergod’s vót, joa, hinge gen Hergod’s vót,

‘t Letste gleëske woeët versjót, hinge gen Hergod’s vót

 

Koeplet 1:

Sjtel uch vuur ‘ne klinge plei, mit sjieëm va lingebeum d’r bei,

Ing krütsing in ‘t centrum va de sjtad.

‘t Broesde va bedrievigheed, va leëve en gezelligheed,

Ing plaatsj woeë oeëts de tram gevare hat.

Ing wieëtsjaf (lüj, en wat vuur ee!), 

loog hinge e groeët krüts va sjtee,

En ummer woa doa sjtumming in de boet

D’r Hergod trók zich dat neet aa, Heë sjtóng doa mit d’r ruk óp aa,

En bei de biech koam alles toch wer oet

 

Koeplet 2:

Oet Holland of oet Ingeland, va jieker rang en jieker sjtand,

D’r tieëkegenger vool zich doa wie heem

En houw me zich beiee gepak, da woeët nog vlot get kui gemak

Get sjpek en ei, ing doebele mit zeem

En woa ‘t toeppe da gedoa, en wool me wer óp heem agoa,

Da woa ‘t sjtüpke döks e “hoeëg” probleem,

Want wool me da eroet get flot, da vool me zich de bóks kapot,

Ich vroag uch: wie vertelse zoeëget heem?

 

Refring 2: 

Hinge gen Hergod’s vót, joa, hinge gen Hergod’s vót,

Doa vool ich mich de bóks kapot, hinge gen Hergod’s vót.

Hinge gen Hergod’s vót, joa, hinge gen Hergod’s vót,

‘t Letste gleëske woeët versjót, hinge gen Hergod’s vót.

 

 

 

HINGE GEN HERGOD'S VÓT

PAUL & LEO

 

✼ zinge in 't Heëlesj plat
✼ winnaars LVK 2004
✼ hant hunne ege vasteloavesrevue: “Hinge gen Hergod’s vót”

 

BOEKING INFO

 

​Marlstone Events 

Emmalaan 21 | 6301 GP Valkenburg 

+31 (0)43 365 25 97
+31 (0)6 51 50 19 63

r.knubben@marlstone.org

VOLG ÓS
  • w-facebook
  • Twitter Clean

© 2013 by H A R I