Refring:

Hang de vaan oet, hang de vaan oet,

loat ze wapp’re wie ze wingt

Loat de vaan die leëve kluëre,

wat ’t leëve dich óch bringt

Vilt urges get te viere of is urges vöal behei

Da hoofs-te neet te vroage,

jóng, wie hingt de vaan d’r bei?

Hang de vaan oet, hang de vaan oet,

loat ze wapp’re wie ze wingt

 

Koeplet 1:

Hei is ee kink geboare, doa is inne gesjlaag

Hei woeënt d’r jubelaris, doa hingt de vaan al daag

De brónk hat ege vane, ee goddelik gezich

De sjtroat geseerd mit vane, dat rijmt wie ee gedich

Mè hingt de vasteloavesvaan doa boave aan d’r sjtek

Da wete vier besjeet: doa woeënt ‘ne vasteloavesgek

 

Koeplet 2:

De kuëningin is jöarig, de harmenie hat fes

De sjutte hant “d’n Um” gewónne óp ’t OLS

Zoeë kluurt de vaan ós feste, es of ze zage wilt

Dat vuur ’t ee of anger ummer get te viere vilt

Mè hingt de vasteloavesvaan doa boave aan d’r sjtek

Da wete vier besjeet: doa woeënt ‘ne vasteloavesgek

 

Bruk:

Mè went dieng vaan gesjtrieëke is, da ligk ze óp de kis

En has-te noa de vaan geleëf, da has-te nieks gemis